Hello Lady and Gentlement: ចំនេះដឹងទូទៅ

ចំនេះដឹងទូទៅ! August 13, 2008

Posted by sphea in Uncategorized.
trackback ព្រឹកមិញ នេះមានចំងល់នឹងពាក្យពីរយ៉ាងខ្លាំងក៏ឆ្លៀតពេលដែលចេញពី
រៀនគួរអក្សរសាស្ត្រខ្មែរក៏លើកយកពាក្យទាំងពីរខាងក្រោមនេះទៅ សួរ
អ្នកគ្រូដោយផ្ទាល់តែម្តង។
ពាក្យពីរនេះគឺ «សុំទោសនិងសូមទោស!»
មានអ្នកមួយចំនួនធំដែលបានដឹងពី ពាក្យទាំងពីរខាងលើនេះតែ ក៏នៅ
មានមនុស្សមួយចំនួនតូចដែរ(ខ្ញុំជាដើម)ដែលមិនបានច្បាស់នូវរបៀប
ប្រើពាក្យទាំងពីរពាក្យខាងលើនេះ។
ពាក្យទាំងពីរនេះមានន័យដូចគ្នាតែប្រើក្នុងលក្ខណៈខុសគ្នា!
ពាក្យ«សុំទោស»ប្រើបានតែ ចំពោះមនុស្សដែលមានអាយុស្មើគ្នាហើយ
សំរាប់ពីអ្នកមានអាយុច្រើននិយាយមកកាន់អ្នកដែលតូច(អាយុ)។
ពាក្យ«សូមទោស»ប្រើសំរាប់និយាយទៅកាន់អ្នកដែលមានអាយុច្រើនជាង។
តាមការបកស្រាយរបស់អ្នកគ្រូធ្វើអោយខ្ញុំលែងស្រពិចស្រពិលក្នុងការប្រើ
ពាក្យទាំងពីរនេះ ដូចមុនហើយ។
សូមបន្ថែមលើចំនេះដឹងរបស់យុវជនមួយចំនួន~~(បងធំបងតូច)~~ដែលប្រើប្រាស់
ពាក្យក្នុងការនិយាយស្តីក្នុងការដោះសារ។
ពាក្យដែលខ្ញុំនឹងលើកឡើងមកនិយាយនោះ គឺមានពាក្យបី៖
១.ពាក្យ«ឆាក្តៅ»បើនិយាយពី ន័យរបស់វាគឺ ជាឈ្មោះម្ហូបមួយមុខ
ដែលមានរសជាតិជាទី គាប់ចិត្តព្រោះ វាបូកផ្សំជាមួយគ្រឿងឆ្នាស់នៅក្នុង
នោះដែរតែ ន័យរបស់វាដែលយុវជន(ដែលបានប្រាប់ខាងលើ)នោះគឺ មិនមែន
មានន័យដូចនេះទេ។
*ចូលអានឃ្លាខាងក្រោមៈ-ខ្ញុំរវល់នៅ ហូបឆាក្តៅ ព្រោះគេធ្វើនោះ វាយូរពេកទើបមករៀនមិនទាន់!។យ៉ាងម៉េចដែរពាក្យមួយឃ្លាខាងលើនេះ?
ពាក្យ«ឆាក្តៅ»សំដៅ លើរបស់ម្យ៉ាងដែលធ្វើអោយមនុស្សកាលណាបានភ្លក់
វាហើយគឺ ចង់តែ ភ្លក់រហូតនោះ គឺ« ឆាក្តៅ»តែ ពាក្យនេះពេលនេះគឺ ប្រើទៅ
ជា«~~គ្រឿងញ៉ៀន~~»ទៅវិញ។
២ . ពាក្យ«បបរស»ពាក្យនេះក៏ដូចគ្នាដែរតែន័យរបស់វាបើតាមគិតទៅ
ដូចជាជ្រៅបន្តិចៈ
-បបរសជាកន្លែងដែលឆ្ងាញ់ចង់ទៅហើយគឺចង់ទៅ ម្តងទៀត!តើដែលលឺ
ទេថាបបរសអាចឆ្ងាញ់ជាងបបរគ្រឿងនោះ?ពិតណាស់គឺ អត់ទេ!
ដូចនេះពាក្យនេះបានប្រើចំពោះយុវជន(ខូច)ហើយប្រែថា~~«លេងស្រី»~~។
៣. ចំពោះពាក្យថា«គាប់គ្រាប់បែក»វិញគឺខ្ញុំមិនបានដឹងច្បាស់ទេតែ គ្រាន់
តែអាចយល់ថាន័យរបស់វាបង្កប់ដោយអត្ថន័យមិនល្អ។
សរុបសេចក្តី មកពាក្យទាំងបីដែលបានបកស្រាយខាងលើនោះ មកគឺ ជាពាក្យ
ដែលមិនល្អ ក្នុងការប្រើប្រាស់ក្នុងភាសានិយាយរបស់យុវជនមួយចំនួន៕

Be the first to like this post.

Comments»

1. វិចិត្រ - August 13, 2008: ខ្ញុំក៏ទើបតែដឹងពេលនេះដែរ! អរគុណ។
Reply
2. កូនខ្មែរ-បារាំង - August 13, 2008: តាមយោបល់របស់ខ្ញុំ ពាក្យទាំងនេះប្រហែលជាពួកគេ( បងធំបងតូច ) បានខ្ចីពាក្យទាំងអស់នេះទៅប្រើ ដោយប្ដូរនូវអត្ថន័យរបស់ពាក្យ ឬក៏បានផ្លាស់នូវអត្ថន័យដើមរបស់ពាក្យដើម្បីប្រើជាភាសាកូដនៅក្នុងរង្វង់ ក្រុមរបស់ពួកគេ?!!!? សូម កិ. បញ្ចេញវាចាឬសម្ដែងអាការឲ្យគេ ឲ្យអ្វីៗដែលខ្លួនត្រូវការ: សូមទាន,សូមប្រាក់, សូមពរ( ពាក្យសាមញ្ញ សុំ ) ។ ពាក្យសម្រាប់ប្រើនាំមុខឬជាជំនួយកិរិយាសព្ទមានអាការជាកិរិយានុគ្រោះ ឬប្រើជាជំនួយនាមសព្ទក៏បាន ដោយសេចក្ដីអង្វរ ឬកោយសេចក្ដីគោរព, ដោយសេចក្ដីគួរសម( តាមថ្នាក់បុគ្គល): សូមព្រះតេជះតម្កល់លើត្បូង; សូមព្រះរាជទាន….; សូមទ្រង់…; សូមទ្រង់ជ្រាប; សូមទ្រង់ព្រះមេត្តាប្រោស…; សូមទ្រង់មេត្តាប្រោស…; សូមទាន…; សូមទានជ្រាប; សូមជា្រប; សូមប្របាទម្ចាស់…; សូមព្រះតេជព្រះគុណ…; សូមលោក…; សូមនាយ…; សូមអ្នក…; សូមឱកាស! ; សូមកុំ…; សូមឲ្យ…។ល។ វចនានុក្រមខ្មែរភាគទី ២ ទំ. ១៣៩១ បើតាមការពន្យល់របស់វចនានុក្រម ពាក្យ« សុំទោស» និង « សូមទោស » គឺពាក្យតែមួយ គ្រាន់តែពាក្យ«សុំ» ជាពាក្យ សាមញ្ញ(ពាក្យធម្មតា ឬ ពាក្យផ្សារ)
Reply
3. sphea - August 13, 2008: ចាស!រីករាយជានិច្ចណាបង! បងកូនខ្មែរ-បារាំង៖អរគុណណាបងដែលបានចូលរួមមតិ អំពីពាក្យពីរខាងលើនេះ។ ប្អូនមិនទាន់ដឹងច្បាស់នៅឡើយទេ!មុនដំបូងហាក់ដូចជាយល់តែ ដល់ពេលបងដាក់មកទៀតបែរជាវិលវុលអស់ហើយ! តែចាំប្អូនខិតខំបន្តទៀត!
Reply
4. កូនខ្មែរ-បារាំង - August 13, 2008: ហេតុអ្វីបានជាប្អូនស្រីវិលវល់? ហើយបើសិនប្អូនស្រីវិលវល់ តើបណ្ដាលមកពីអ្វីដែរ?
Reply
5. វិចិត្រ - August 13, 2008: ខ្ញុំបើកវចនានុក្រមរួចហើយ -សុំ (ពាក្យសាមញ្ញរបស់ សូម)៖អ្នកធំអាចប្រើសំរាប់និយាយទៅកាន់អ្នកតូចបាន។ - សូម ៖ប្រើបានទូទៅ។ គឺដូចគ្នានឹងអ្នកគ្រូរបស់ភាពន្យល់ដែរ។
Reply
6. sphea - August 13, 2008: វិលវល់ព្រោះតែរៀនច្រើនពេកហ្នឹងណាបង! អរគុណបងទាំងពីរ!
Reply
7. cambodiatoday - August 16, 2008: សូមអរគុណ (មិនមែនសុំអរគុណទេ…ហេៗៗ) បានបកស្រាយអត្ថន័យពាក្យទាំងឡាយនេះ។ ចំពោះពាក្យ «គាប់គ្រាប់បែក» វិញ ពួកម៉ាករបស់ខ្ញុំធ្លាប់បានបកស្រាយអត្ថន័យឱ្យខ្ញុំដោយសម្តែងឧទាហរណ៍មួយ៖ មានគ្នាគេប្រាំនាក់ដែលអង្គុយពិសាបាយជាមួយគ្នានៅឯភោជនីយដ្ឋាន ហើយពេលជិតពិសាអស់ហើយ គ្នាគេបួននាក់បានរត់ចេញពីភោជនីយដ្ឋានតែម្តង ហើយម្នាក់គត់ដែលនៅសល់នោះ មិនបានដឹងថាពួកគេបានគ្រោងគ្នារត់ជាមុននោះទេ អញ្ចឹងម្នាក់ដែលនៅសល់នោះ ត្រូវចេញថ្លៃម្ហូបដោយខ្លួនឯងទាំងអស់ ហ្នឹងបានន័យថា គ្នាគេបួននាក់ដែលបានគេចខ្លួននោះ បានគាប់គ្រាប់បែកទៅលើម្នាក់ចុងក្រោយ!
Reply
8. cambodiatoday - August 16, 2008: សូមទោស ពាក្យហ្នឹងមិនមែន«គាប់គ្រាប់បែក»ទេ គឺ«គប់គ្រាប់បែក»។ ពេលសរសេរមិញ សរសេរបានខុសហើយមិនបានចាប់អារម្មណ៍។
Reply
9. sphea - August 17, 2008: អរគុណបង!ប្អូនយល់នឹងអ្វីដែលហៅថាគប់គ្រាប់បែកហើយ! មុនដំបូងឆ្ងល់ព្រោះនៅស្រពិចស្រពិលហើយក៏មិនសូវដឹងច្បាស់ តែឥឡូវបានបងមកបន្ថែមគឺរិតតែច្បាស់ជាងមុនទៅទៀត! ពាក្យហ្នឹងបើតាមគិតទៅគឺឡូយបស់គេទៅ!
Reply