តន្ត្រីចម្រៀងពេញនិយមភាពយន្ត-វីដេអូSabay តារាSabay ទស្សនាចរSabay តាក់តែងSabay ម៉ូដជុំវិញបច្ចេកវិទ្យា
ព័ត៌មានបច្ចេកវិទ្យាផលិតផលថ្មីគន្លឹះខ្លីៗស្វែងយល់ផលិតផលស្វែងយល់ពីNetទស្សនៈខ្ញុំបណ្តុំប្រវត្តិបច្ចេកវិទ្យាហ្គេមអនឡាញសទ្ទានុក្រមជីវិតនិងសង្គម
ព័ត៌មានសង្គមសេដ្ឋកិច្ចSabay ដឹងចរាចរណ៍ស្រុកយើងស្នេហានិងទំនាក់ទំនងស្នេហ៍ខ្ញុំសុខភាពនិងសម្រស់រសជីវិតម្ហូបខ្មែរអមតកីឡា
ព័ត៌មានកីឡាវិភាគកីឡាកម្មវិធីប្រកួតលទ្ធផលខ្ញុំនិងកីឡាប្រវត្តិកីឡានិពន្ធនាយក
វាចា និពន្ធនាយកជួបឧត្តមជនខែ្មរបទសម្ភាសន៍ ពិសេសរូបភាព សូមចូលទៅកាន់ Write Message វាយអក្សរ sw 94347 រួចផ្ញើទៅកាន់ 7222 ដើម្បីគាំទ្រអត្ថបទនេះ
ពិសពុលថ្នាំញៀនត្រលប់ទៅទំព័រដើមផ្សាយក្នុងផ្នែក ការអប់រំ ដោយ pheng sithan កាលពី 111 days ago អ្នកនិពន្ធ ៖ Van Vida
កើតជាបុត្រា លើដែនខេមរា យើងត្រូវរិះគិត
ខំកសាងខ្លួន មាំមួនកាយចិត្ត នោះទើបជីវិត
យើងបានប្រសើរ។
ហាត់ពុតលុតដំ ព្យាយាមខិតខំ ត្រួសត្រាយផ្លូវដើរ
ផ្លូវណាដែលល្អ បន្តដំណើរ ផ្លូវពុំប្រសើរ
ជៀសវាងឱ្យឆ្ងាយ។
វ័យយើងនៅក្មេង រាល់រូបគ្រប់ល្បែង កុំយកបៀតកាយ
ល្បែងស្រីល្បែងស្រា កត្តាអន្តរាយ គ្រឿងញៀនអបាយ
កាយធ្លាក់នរក។
ទោសនៃថ្នាំញៀន ជនណាប៉ងហ៊ាន ចង់សាកចង់ភ្លក់
នោះនាំអំពល់ វិលវល់ងប់ឈ្លក់ រាងកាយស្ពឹកស្ទក់
ឃ្លាតឆ្ងាយសង្គម។
អ្នកដែលញៀនថ្នាំ ជាមនុស្សមានកម្ម រស់ដូចជាប់ឃុំ
បាត់អស់ក្តីសុខ ក្តីទុក្ខជិតជុំ រស់នៅព័ទ្ធហ៊ុម
ដោយភាពអបលក្ខណ៍។
រាងកាយស្គមស្គាំង ស្មារតីភាន់ភាំង លែងស្គាល់មិត្តភក្តិ
មួយថ្ងៃមួយថ្ងៃ ស្រម៉ៃថ្នាំចាក់ សូម្បីប៉ាម៉ាក់
លែងស្គាល់លែងដឹង។
មានផ្ទះជ្រកកោន មាសប្រាក់រាប់តោន បាត់អស់សូន្យឈឹង
ជីវិតប៉ោឡែ មានតែកំហឹង រឿងអ្វីលែងដឹង
ដឹងម៉្យាងគឺថ្នាំ។
ពេលស្វែងមិនបាន មិនសុខឡើយប្រាណ កាយដូចប្រេះស្រាំ
រកកលស្ទើរស្លាប់ យ៉ាប់បើគ្មានថ្នាំ ហៃជនត្រូវចាំ
ថ្នាំញៀនកុំសាក។
កុំចង់សូម្បី ត្រឹមតែម្តងក្តី កុំជឿពួកម៉ាក
កុំចង់ប្រព្រឹត្ត សុខចិត្តកំសាក ពាក្យល្បួងជៀសចាក
កុំសូវនៅស្តាប់។
ការសាកថ្នាំញៀន មនុស្សអាចនឹងឈាន បើសិនគេប្រាប់
សាកទៅសប្បាយ ស្រស់ស្រាយកើតឆាប់ រាងកាយពេញហាប់
កម្លាំងមហិមា។
ពេលយើងញៀនខ្លាំង ភ្នែកព្រិលស្រវាំង ប្រព្រឹត្តពាលា
ដើរលួចដើរប្លន់ គេទាន់គ្រាំគ្រា ពេលខ្លះក្លាយជា
ជនល្មើសឧក្រិដ្ឋ។
លែងស្គាល់ខ្លួនឯង ជីវិតវង្វេង បាត់អស់ញាតិមិត្ត
គ្រួសារកាត់កាល ក្នុងក្បាលលែងគិត ខួរត្រូវជាប់ស្អិត
ពោរពេញថ្នាំញៀន។
នាំទុក្ខដល់ខ្លួន មិនគ្រប់ចំនួន គ្រួសារក៏មាន
គេឯងតិះដៀល ពាលដល់សន្តាន ញាតិលែងរាប់អាន
ជួបតែសោកសៅ។
មិនតែប៉ុណ្ណោះ ធ្វើឱ្យខូចឈ្មោះ ជាតិជួបដំបៅ
គេស្តីគេថា បរិហារក្នុងក្រៅ គេស្តីប្រដៅ
ចោទយើងតាមចិត្ត។
ពេលខ្លះគេថា សង្គមខេមរា មានតែងងឹត
ពន្លឺអភិវឌ្ឍន៍ បន្ទាត់បាំងបិទ សង្គមជុំជិត
អនាធិបតេយ្យ។
ហេតុនេះពួកយើង ប្រឹងក្រោកឈរឡើង ខិតខំពួតដៃ
រួមលុបបំបាត់ ឱ្យខ្ចាត់ឱ្យក្ស័យ គ្រឿងញៀនចង្រៃ
ចេញពីដីយើង។
រួមឱ្យតម្លៃ ប្រឹងរៀងរាល់ថ្ងៃ យើងនឹងថ្កុំថ្កើង
គ្រឿងញៀនអបាយ នឹងខ្ចាយខ្ចាត់ប៉ើង ស្ថេរភាពកើតឡើង
ខ្មែរយើងសុខសាន្ត។
និពន្ធដោយ វ៉ន វីដា
១៨ មិថុនា ២០០៩
